á næstu mánuðum?
Ábyrgð og festa í stjórnarfari án efa.
Framsóknarflokkurinn er nokkuð óræður vegna óuppgerðra innanhússmála og vart við því að búast að þeir tali einni röddu við þessi tímamót.En innan flokksins eru samt ýmsir einstaklingar sem þjóðin væri án efa tilbúin að treysta umfram þingmönnum Bjartrar Framtíðar.
Hefur stjórnmálaflokkurinn B.F. sýnt af sér stjórnmálalega ábyrgð eða frekar ábyrgðarleysi? Hefur flokkurinn ekki frekar hlaupið frá skyldum sínum gagnvart þjóðinni undir yfirskini einhvers trúnaðarbrests? Myndu kjósendur taka ástæður brotthvarfsins góðar og gildar og veita þeim framhaldslíf í nýjum kosningum má velta fyrir sér? Vonandi þarf ekki að láta á það reyna.
Framundan er ljóst að afgreiða þarf fjárlög til þess að ríkið sé starfhæft. Það eru kjarasamningar framundan sem ganga ekki á sjálfstýringu eigi að vera von um skynsamlega niðurstöðu aðra en sjálfdæmi ASÍ og BHM til dæmis.
Þess vegna mun Bjarni Benediktsson beita öllu afli sínu núna að því sem þjóðinni er fyrir bestu. Af þeim stjórn málamönnum sem á Alþingi sitja er honum helst treystandi til að láta ekki ýlfrið og geltið í fjölmiðlunum villa um fyrir sér. Hann er sem betur fer ekki sú manngerð sem snýst eftir því hvernig fjölmiðlavindurinn blæs.
Við almenningur tökum vonandi tillit til þess að hann hefur erfitt verk að vinna í okkar allra þágu. Vonandi sýna einhverjir þingmenn skýra hugsun og þjóðhollustu í því hvað verði að hafa forgang fram yfir þrengstu persónuhagsmuni og ómerkileg upphlaup.
Það eru hagsmunir þjóðarinnar að Bjarni Benediktsson fái núna ráðrúm til að rata hina farsælustu leið í þeim málum sem leysa þarf.