stórauknu aðstreymi fólks í leit að framfærslu?
Einar S. Hálfdánarson hæstaréttarlögmaður og endurskoðandi skrifar athyglisverða grein í Morgunblaðið í dag:
"Um 45 manns eru nú í sóttkví í Sóttvarnahúsinu á Rauðarárstíg. Húsið er nær fullt að sögn umsjónarmanns þess. Fólkið í sóttkvínni er allt umsækjendur um alþjóðlega vernd.
Ekki er hægt að ásaka þessa umsækjendur. Þau eru að gera sitt besta til að komast til lands sem sér þeim fyrir bærilegum lífskjörum, frábærum á þeirra mælikvarða.
Nei, hér er einvörðungu við dómsmálaráðuneytið að sakast. Stjórnlaus ólöglegur innflutningur fólks hefur verið staðreynd frá árinu 2016. Árleg bein og óbein útgjöld vegna svonefndra hælisleitenda nema líklega 10 milljörðum króna og fara vaxandi.
Hvaða stjórnmálaflokkur hefur farið með málefni innflytjenda frá árinu 2016? Af óstjórninni að dæma skyldi maður ætla að það væri Samfylking. En Sigríður Andersen náði ekki einu sinni árangri þrátt fyrir góð áform. Séð var til þess og henni síðan rutt úr embætti.
Enda flýgur fiskisagan eins og dæmin sanna og vitað var. Útlendingar kunna nefnilega, merkilegt nokk, að afla sér upplýsinga á netinu. Dómsmálaráðuneytið var rækilega varað við að stefna myndi í stórslys varðandi opnun landamæra ef ekki yrðu gerðar svipaðar ráðstafanir hér og í öðrum löndum Evrópu.
Eins og ræðismaður Íslands í Makedóníu benti á á sínum tíma eru þeir sem misnota sér bága stöðu flóttafólks vel upplýstir um tækifærin. Umfram allt var varað við afleiðingunum ef Ísland gripi ekki til sömu varúðarráðstafana og aðrir á tímum farsóttar. Hættan yrði margföld ef hingað flykktist fólk frá löndum þar sem lítið er vitað um útbreiðslu farsóttarinnar.
Við bókun flugferða yrði að fylla út svonefndar APIS- [vegabréfs]upplýsingar. Endurupptaka landamæraeftirlits er aðildarríkjum EES heimil undir sérstökum kringumstæðum.
Eftirlitsstofnun EFTA getur gefið álit um nauðsyn ráðstafana og meðalhóf hennar, en getur ekki beitt neitunarvaldi gegn slíkri ákvörðun þegar hún er tekin af aðildarríki. Ekki þarf lagabreytingu vegna þessa.
Ferðamenn verða að geta sýnt auðkenni innan Schengen-svæðisins og haft ferðaskilríki með sér (t.d. persónuskilríki eða vegabréf/vegabréfsáritun). Ökuskírteini, banka- og kreditkort eða svipuð skjöl eru ekki viðurkennd sem gild ferðaskilríki eða sönnunargögn. Öll flugfélög geta látið farþega skrá upplýsingar um persónuskilríki eða vegabréf við kaup á farmiðum eða í síðasta lagi við innritun. Enda gera þau það ef krafist er, t.d. þegar ferðast er til Finnlands, Bretlands, Kanada og Bandaríkjanna. Sama ætti við ef Ísland krefðist vegabréfs og vegabréfsáritunar þar sem við á.
Til hvers að kjósa Sjálfstæðisflokkinn?
Ég tel að að ég sé í góðu sambandi við fjölda sjálfstæðisfólks, líklega langtum fleiri en margir forystumenn flokksins. Sum forgangsverkefnin eru ekki ofarlega í huga okkar sjálfstæðismanna. Áfengisverslun er ekkert forgangsmál þótt þar megi auðvitað gera umbætur. En verðlag á léttu víni er hér með því besta sem ég sé í Evrópu.
Ef efni eru t.d. til að auka útgjöld eru málefni aldraðra í gersamlega óviðunandi horfi. Íhaldsflokkur Danmerkur breyttist frá því að vera stór flokkur í smáflokk á skömmum tíma. Við sjálfstæðismenn og -konur erum ekki að kjósa okkar flokk til að þóknast Loga, Helgu Völu og Rósu Björk.
Þeir sem vilja alíslenska stefnu í andstöðu við önnur Evrópuríki og m.a.s. í andstöðu við jafnaðarmenn í Evrópu kjósa Samfylkingu. Sjálfstæðisflokkurinn skyldi ekki ganga að meginhluta flokksmanna sem vísum. Dómsmálaráðherrann veit hvernig landsfundur greiddi atkvæði um hugðarefni hennar á síðasta fundi. Taki flokkurinn sér ekki tak tökum við hatt okkar og staf ef við neyðumst til þess"
Flokkur sem ítrekað hunzar flokksmenn sína eins og Sjálfstæðisflokkurinn gerir "...svíkur sína huldumey, honum verður erfiður dauðinn."
Það þarf að hleypa einhverri skynsemisglætu inn í fílabeinsturn Sjálfstæðisflokksins við Austurvöll í innflytjendamálum. Samfylkingin og hennar lögfræðingar eru of lengi búnir að slá þar taktinn.
Nema að flokkurinn telji óþarfa að halda Landsfund í hagræðingarskyni.
Íslendingar þurfa að verjast aðsókn fólks sem ekkert erindi á hingað nema í eigin hagsmunaskyni.