Byltingu !

æpir Gunnar Smári Egilsson. Stundum nefndur FjögurraBlaðaSmárinn eftir fjölda blaðagjaldþrotanna sem hann tengdist . 

Gunnar Smári skrifar:

ÁSÝND HINS ILLA

"Það er ekki dýrt á Íslandi fyrir tilviljun. Það er vegna þess að hér eru völd auðvaldsins meiri en annars staðar, einokun og fákeppni með blygðunarlausu verðsamráði viðtekin regla, eftirlit hins opinbera ekkert eða þá í skötulíki og almenningur óvarinn fyrir skipulögðu okri, sem allt eins mætti kalla skipulagðan þjófnað.

En fjölmiðlarnir ræða aldrei orsök þessa ömurlega ástand, færa fréttir af glæpum auðvaldsins eins og væru þeir af náttúrvöldum eða vilji guðs. Og stjórnvöld, sem sækja atkvæði til almennings en þjóna ætíð auðvaldinu, gera ekkert neitt; hreyfa sig ekki þegar stærstu fyrirtækin reka sogrör niður í mænuna á almenningi og sjúga úr honum lífskraftinn.

Það sem stjórnvöld gera er að brjóta niður velferðarþjónustuna og færa hana undir auðvaldið, svo að heil­brigðisþjón­usta, menn­ing og tóm­stund­ir og skóla­ganga er orðin dýrari hér en annars staðar. "

Minnir engan að Gunnar Smári hafi verið dyggur auðvaldsþjónn hér áður hjá Jóni nokkrum Ásgeiri og staðið þar að einum 4 gjaldþrotum, búið í villu í Arnarnesi og selt með miklum gróða? Hún bjó líka flott nomenklatúran í gamla Sovét. 

Það er um að gera að tapa aldrei trúverðugleikanum og koma fyrir eigin sogröri þar sem eitthvað er fyrir af annarra fé. 

Byltingu Sósíalistaflokksins strax!